Sohibqiron Amir Temur va uning Markaziy Osiyo, Xuroson, Eron va
Hindistonda besh asrga yaqin hukm surgan sulolasi benazir katta xonadonni tashkil etadi. Shajaraning bardavomligi bevosita davlat ahamiyatiga molik bo’lgan oilaviy tarbiyaga bog’liqligi, o’zlikni, sha’nni, or-nomusni saqlash xalqimizda uzoq asrlar davomida sayqal topgan milliy mentalitet, urf-odatlar, udumlar bag’rida yetilganligi, ravnaq topganligi Sohibqiron tamal toshini qo’ygan toj-u taxt vorislari hayot yo’li misolida keng ko’lamda tadqiq etildi. Mavjud tadqiqotlarda doimo siyosat talqini soyasida qolib kelgan Amir Temur va Temuriylar oilasi, ularning
fe’l-atvori, tabiati, shijoati, sifatlari, surat va siyratlari, boshqaruv qobiliyatlari, ayricha fazilatlari, qusur va zaif jihatlari tarixiy manbalar vositasida oldingi marrada yoritildi, inkishof etildi. Asar shu jihati bilan
e’tiborga loyiqdir.