Juda koʻp sirli qotilliklar izidan tushib, unga kutilmagan yechim topadigan Erkyul Puaro “Endxauz jumbogʻi” romanida ham qotilni topishda adashmaydi. Biroq shubhalarga oydinlik kiritish uchun juda koʻp ter toʻkadi. Chunki sodir etilishi mumkin boʻlgan qotillikning oldini olish payida boʻlgan Puaro kutilmaganda bunga roʻbaroʻ keladi. Koʻz oldida yurgan jabrdiyda qizning qotil boʻlib chiqishi xayoliga ham kelmaydi. Nihoyat, hammaning nazarida gʻalati koʻrinadigan xorijlik, boʻyi kalta va ingichka moʻylovchi mashxur izquvar xammasiga nuqta qoʻyib, qotilni mohirlik bilan tuzoqqa tushiradi.